Blanda Sv 1

Blanda er ein af þessum stóru þegar kemur að laxveiðiám Íslandi og er jafnframt í hópi þeirra fremstu og bestu. Blanda er þekkt fyrir miklar aflahrotur en veiðin hefur sveiflast mikið á síðastliðnum áratugum og hefur veiðin farið upp í hæstu hæðir sum ár. Laxinn í Blöndu er snemmgenginn stórlaxastofn sem byrjar að ganga í maí, og svo verða göngurnar kröftugri þegar kemur fram í júlí.

Þegar líða tekur á sumarið er það nánast árviss viðburður að Blöndulón fyllist og jökulvatn flæðir yfir stífluna, þá er talað um að Blanda sé komin á yfirfall. Það koma þó ár sem að þetta gerist ekki og þá er hægt að veiða ána út tímabilið. Einnig getur það gerst að vélar séu sérstaklega keyrðar í Blönduvirkjun og þá getur áin gruggast. Fish Partner getur ekki tekið ábyrgð á ástandi árinar þegar menn eru við veiðar.

Blanda Sv 1
Blanda Sv 2
Blanda Sv 3
Blanda Sv 4

Svæði 1.

Svæði 1 hefur oft verið með aflahæstu laxveiðisvæðum landsins. Veiðisvæðið er fremur stutt, um 3 km frá Ennisholu niður að Lögreglustöð, en getur geymt gríðarlegt magn af laxi, og getur veiðin verið ævintýraleg á köflum. Svæðið er veitt með fjórum stöngum, tveimur stöngum á hvorum bakka.

Aðgengi og staðhættir

Ekið er upp á svæði eitt frá Blönduósi að vestanverðu við Blöndu. Ekið upp að og í gegnum hesthúsabyggð þar sem vegurinn liggur að Blöndu og endar á bílastæði. Þaðan er örstuttur gangur að ánni. (Vinsamlegast akið með gát í gegnum hesthúsahverfið)

Þeir sem veiða á austurbakkanum aka sömu leið og komast þeir yfir á göngubrú, beint neðan við bílastæði.

Blanda er varasöm, vatnsmikil og straumhörð. Við hvetjum veiðimenn til að fara með gát og nota vaðstaf og björgunarvesti við veiðar.